Damasku (Poezi të zgjedhura)

NIZAR KABBANI

Damasku (Poezi të zgjedhura)

DAMASKU

- Poezi të zgjedhura -

Përmbajtja

1. Dëshmoj

2. Libri i dashurisë

3. Çështje të vogla

4. Të dua shumë

5. Letër nga nën uji

6. Dashuri e pakufi

7. Natyra e burrit

8. E dashura ime

9. E dashura ime, ajo është ligji

10. Vesa me shiun

11. Kushtuar një mikeshe të re

12. Grua që ecën brenda meje

13. Puthja e parë

14. Lajmi më i bukur

15. Poezi kushtuar Belkises

16. Unë për ty

17. Poezi e papërfunduar në përkufizimin e dashurisë

18. Poezia e aktrimit

19. Poezia e trishtimit

20. Damasku, koncerti i ujit dhe jaseminit

21. Lexim në dorën e një gruaje të bukur

22. Fjalë

23. Dashuria, o e dashura ime

24. Festimi

25. Zemërohu

26. Zgjidh

27. Nëna ime

28. Ky është krimi

29. Fëmijët e gurëve

30. Kudsi

Të dhëna mbi librin:

Përktheu nga gjuha arabe: Roland VISHKURTI

Redaktor: Ermal BEGA

Korrektore letrare: Klodiana SMAJLAJ

Kopertina: ACFOS - Besnik HAMITI

ISBN 978-9928-4028-6-8

Boton: Qendra Shqiptare për Studime Orientale (ACFOS-Albania)

P.O.Box 8203

E-mail: acfos_albania@yahoo.com

Viti i botimit: 2012

Faqe: 112

Formati: A5

Të gjitha të drejtat janë të rezervuara. Asnjë pjesë e këtij libri nuk mund të kopjohet, të incizohet ose të transmetohet në asnjë mjet tjetër, qoftë të shkruar apo elektronike pa lejen e autorizuar me shkrim nga botuesi në shqip.

Shënim: Kopertina e këtij libri është marrë nga një ndër shtëpitë e vjetra dhe të njohura të Damaskut, Bejt al-Uthman.

Çmimi i shitjes në librari: 400 lekë/3 Euro

© Copyright i këtij botimi ACFOS-Albania, Tiranë 2012

Për porosi dhe shitje me shumicë & pakicë ju lutem na kontaktoni me e-mail.

HYRJE

Të dashur lexues!

Ky është vëllimi i parë me poezi nga poeti i mirënjohur arab nga Damasku, Nizar Kabbani, i botuar në gjuhën shqipe. Me këtë rast, Qendra Shqiptare për Studime Orientale (ACFOS-Albania), ku si pjesë të projekteve të saj ka promovimin para publikut shqiptar të letërsisë orientale, ndërmori përgatitjen e këtij vëllimi me poezi të përzgjedhura nga ky autor, i cili konsiderohet si një ndër poetët më të njohur bashkëkohorë në mbarë botën arabe. Gjithashtu, vëllimet e tij me poezi janë përkthyer dhe në shumë gjuhë europiane e perëndimore, të cilat janë pritur shumë mirë nga lexuesit.

Disa poezi nga poeti Nizar Kabbani janë përkthyer edhe më herët në shqip, si p.sh. disa prej tyre janë përkthyer nga disa orientalistë nga Prishtina, ndërkohë në Tiranë, një kontribut të tillë ka dhënë revista kulturore-shkencore për studime orientale “URA”, e cila në disa numra të saj ka botuar disa poezi të tij, të përkthyera nga origjinali arabisht.

Titulli i këtij vëllimi me poezi u mendua të jetë “Damasku”, duke marrë shkas nga një prej poezive më të bukura të këtij autori, me titull “Damasku, koncerti i ujit dhe jaseminit”. Jo më kot përzgjodhëm këtë titull. Arsyeja kryesore ishte meqenëse vetë autori është nga Damasku, qytet të cilin ai e trajton në mënyrën më hyjnore të mundshme. Në poezinë me të njëjtin titull, autori e trajton atë poetikisht si qytetin e dashurisë, dhe me një romantizëm të theksuar e krahason në mënyrë figurative si një qytet në mes të një kopshti dhe lulishteje plot gjelbërim, lule, bimë aromatike, pemë e fruta, zogj të ndryshëm etj., duke e krahasuar atë nëpërmjet vargjeve poetike me Xhenetin në tokë. Në poezitë e tij, ai kryesisht i shkruan dashurisë së sinqertë, qyteteve si Damasku dhe Bejruti, qytetërimit dhe bukurisë karakteristike të Damaskut, natyrës etj., duke e bërë atë një nga poetët më të famshëm lirikë arabë. Në të njëjtën kohë, ai i shkruan besimit të tij fetar dhe gjendjes së vet shpirtërore bazuar në mësimet hyjnore.

Një falënderim i veçantë për përkthimin nga gjuha burimore arabisht të këtyre poezive të përzgjedhura nga poeti Nizar Kabbani, si dhe për përgatitjen me fusnota, i takon përkthyesit të mirënjohur tashmë të disa veprave të letërsisë orientale, më saktë asaj arabe, Roland Vishkurti. Me një entuziazëm dhe vullnet të madh, përveçse një hoxhë i mirë i cili kontribuon në komunitetet brenda dhe jashtë Shqipërisë, Roland Vishkurtiështë prej kohësh njëbashkëpunëtor i ngushtë i Qendrës Shqiptare për Studime Orientale. Më herët, ai ka përkthyer dhe disa vepra të tjera nga letërsia arabe, si p.sh. librin me aforizma “Dervishi i tha djalit të tij”, nga autori libian me origjinë shqiptare, Dr. Ali Mustafa El-Misrata, botuar në vitin 2011, si dhe studimin “Orientalizmi - Synimet dhe mekanizmat e tij” nga autori libian Dr. Muhammed Fet’hullah Ez-Zijadi, botuar në vitin 2012. Së shpejti, kjo qendër shpreson gjithashtu që të botojë dhe një libër të ri nga letërsia arabe, duke vazhduar më pas dhe me përkthimin në shqip të disa veprave nga gjuhë të tjera orientale, asaj persisht dhe turqisht.

Qendra Shqiptare për Studime Orientale (ACFOS-Albania)

Ermal Bega

Drejtori Ekzekutiv

Shtatë Ëndrrat e Shqipërisë

HAFIZ ALI KORÇA

ISH-KËSHILLTARI I MINISTRISË SË ARSIMIT

DHE ISH-ANËTAR E FETVA EMINI I KËSHILLIT TË NALTË TË SHERIATIT

Shtatë Ëndrrat e Shqipërisë

SHTATË ËNDRRAT E SHQIPËRISË

Të dhëna mbi librin:

Autor: Hafiz Ali KORÇA

Përshtati dhe përgatiti për botim: Ermal BEGA

Kopertina: ACFOS - Besnik HAMITI

ISBN 978-9928-4028-7-5

Boton: Qendra Shqiptare për Studime Orientale (ACFOS-Albania)

P.O.Box 8203

www.acfos-albania.org

E-mail: acfos_albania@yahoo.com

Viti i botimit: 2012

Faqe: 114

Formati: A5

Botimi i parë, Tiranë 1924

Botimi i dytë, Tiranë 1944

Botimi i tretë, Tiranë 2006

Botimi i katërt, Shkup 2006

Botimi i pestë, Tiranë 2012

Të gjitha të drejtat e këtij botimi janë të rezervuara. Asnjë pjesë e këtij libri nuk mund të kopjohet, të incizohet ose të transmetohet në asnjë mjet tjetër, qoftë të shkruar apo elektronike pa lejen e autorizuar me shkrim nga botuesi.

© Copyright i këtij botimi: ACFOS-Albania, Tiranë 2012

Çmimi i shitjes në librari: 500 lekë/3.5 Euro

Për porosi dhe shitje me shumicë & pakicë ju lutem na kontaktoni me e-mail.

PARATHËNIE

Shkaku q'u botua ky broshur vitin 1924 ç'ishte?

Për të biseduar reth shpëtimit të shtetit tonë nga grushti i çeliktë q'Italia tërthorthi donte të sundonte, në vitin 1923-1924 disa nga burat patriotë të naltë e mentarë të pajosur me ndjenja njerëzore e me ndërgjegje të pastra Kombëtare filluen të mblidhen në Tiranë në shtëpin e të ndjerit Abdi bej Toptanit.

Bisedimet si vazhduan disa dit, u vendos që të formohet një Kongresë në Lushnjë. Mirë po sipas gjëndjes së tmerçme t'asaj kohe në këtë mbledhë po të mos merte pjesë dhe i ndjeri Aqif pashaj me Abdi bejnë ngrehja e këti Kongresi ishte e pa mundur.Se asi kohej kjo rrugë ishte mbushur plot me topa e mitraliozë dhe kalimi ishte fort i rrezikçëm.

Pra medoemos duhej një fuqi e fortë edhe e shëndoshë se përndryshe rruga nuk zbërthehej dot. Disa nga anëtarët e kësaj mbledhës si Z. Ferid Vokopola q'ishte nga nisjativët më të fortë e më të flakët dhe Eshref Frashri e disa të tjerë m'u patnë vënë me të tepërtë që të mundohem e t'i kandëris këta burat e përmëndur me famë për me marë pjesë që të dy. Rahmet paçin pas disa fjalësh që rodhën në mes tonë, u kandërisnë dhe me një fuqi t'armatosur, rruga e Lushnjës burërisht nga ferrat ndaluse u çel. Nga ylematë dhe Mutesim Kliçi me Ismail Ndroqin janë përpjekur mjaft.

Asi kohej qi do të zgjidhej asambleja ndodhëshin dy parti edhe që të dy anët për me u bashkum me ta, veçanërisht m'u adresuan, por meqënëse un' e dinja sigurisht që si populli i Korçës ashtu edhe i qarqeve të saj do të më zgjithnin, nuk pashë nevojë fare bile për ta çpallur kandidatën, as q'e pashë t'arësyshme t'i pshtetem donjë partije.

Qëllimi im ka qenë që të delnja indipendent edhe të formonja një grup të veçantë që bashkë me shokët e minj ku ta shihnin të drejtën atje të votonim e jo të përpiqëshim për koltuqe. Pra kur më drejtoheshin që të dy palët, unë këto kondita i u qitnja përpara porse sevdaja e koltukut nuk i linte që të m'i pranonin konditat e mija.

Si kupëtohet edhe prej chlishes që po shënohet këtu poshtë me anën e një telegramit falco, qevërija ka luajtur këtë rol:

Mua s'më vjen keq prej ndërhyrjes të qeverisë sa më vjen keq prej tradhëtisë të një miku që më dolli qafë-qethur. Ky mik ishte në Tiranë dhe më pat vizituar apostafat për me i dhënë disa letra dyke e rekomanduar në miqt e minj si në Korçë ashtu dhe në qarqet e saj për t'i ndihmuar që të delte i fituarshëm në zgjedhjet edhe fundi fitoj.

Më vjen keq se i ndjeri mik pat marë në dorë telegramin falco dyke ia treguar zgjedhësvet të dytë në Pogradec edhe dyke i u thënë që: "Siç'e dini unë jam miku m'i ngushtë i Hafiz Aliut, por me hidhërim të math po ju them se ajy nuk po don të dalë deputet jah dhe telegrami që deklaron dorëheqjen e tij, pra votat mos i humbni kotë".

"Kendi elimle kesup jara virdigim kalem.

Fetvaji huni na hakkimi jazdi ibtida".

"Me atë kalem q'ia pata prerë me dorën t'ime dhe ia pata dhënë mikut ajy po me atë kalem sefte shkruajti fetvanë (vendimin e prerë) që të derdhet gjaku im i pa-fajshëm".

- Hutbeja e zgjedhjevet -

Para se bëhen zgjedhjet e asamblesë, meqënëse asi kohejndodhësha si i besushmi i fetvasë në Këshillin e Naltë të Sheriatit që përfaqësonte 800.000 veta, shpirtërisht isha i detyruar të shkruaj një deklaratë me emrin "Hutbeja e Zgjedhjevet". Kjo Hutbe për së shkurti përmbante këto: "Vëllazër muslimanë! Sot zgjedhja e asamblistavet është në dorët tuaj. Frikën, interesin flakeni prapa krahëvet. Për asamblist zgjithni ata që janë të zotët e punës, janë fetarë të drejtë, atdhetarë të vërtetë edhe trima që s'trëmben prej kujt. Ta dini se zgjedhjet do të shkojnë si një zinxhir, dhe atëherë si kabineti ashtu dhe gjithë nëpunësit nga ky brumi i pastër e i kullutë do të zgjidhen. Pejgamberi urdhëron:

"Idha vusside-l emru ila gajri ehlihi femadhiris-saate!"

D.m.th. "Kur i dorëzohet detyra ati që s'është i Zoti e s'meriton, atëhere prit shkatrrimin se shkollat dhe në Komunitetet fetare po u vendosnë të pazotët n'atë degë ka kopsitur kijameti".

P.sh. qoftë n'administratë, qoftë n'ushtërit, qoftë ndër shkollatnë komunitetet fetare po u vendosnë të pazotët n'atë degë ka kopsitur kijameti.

Pra në emrin e Sheriatit ju porosit të mos ndahi nga urdhëri i Zotit. Zoti ju ndihmoftë!"

1 Nëndor 1923

Nga anëtarët e Këshillit të Naltë

të Sheriatit, i besueshmi i fetvasë

professor

H. ALI

Orientalizmi - Synimet dhe mekanizmat e tij

Dr. Muhammed Fet’hullah EZ-ZIJADI

Orientalizmi - Synimet dhe mekanizmat e tij

ORIENTALIZMI

Synimet dhe mekanizmat e tij

PЁRMBAJTJA

PARATHËNIE

HYRJE

Orientalizmi

Orientalizmi, kuptimi i tij dhe rëndësia e përkufizimit të termit

Kuptimi i termit "orientalizëm"

Oksidentalizmi dhe oksidentalisti

Arabizmi dhe i arabizuari

Historia e orientalizmit

Orientalizmi, motivet dhe synimet e vjetra dhe të ripërtërira

Mekanizmat e orientalizmit

Shtigjet e mendimit orientalist në botën tonë

Qëndrimi lindor ndaj orientalizmit

Si mund të formojmë një qëndrim shkencor mbi orientalizmin?

Orientalizmi sipas rrethanave dhe metodologjive të tij

Shkollat e orientalizmit

Shkolla britanike

Shkolla gjermane

Shkolla italiane

Shkolla franceze

Shkolla ruse

Shkolla spanjolle

Shkolla zioniste

Interesi bashkëkohor ndaj Orientit - Qendrat e tij më të rëndësishme

Në Britani

Në Amerikë

Në Holandë

Në Francë

Orientalistët dhe trashëgimia kulturore islame

Metodat e hulumtimit orientalist në studimet islame

BIBLIOGRAFIA

LITERATURA E SHËNIMEVE SHPJEGUESE

PËRMBAJTJA

Të dhëna mbi librin:

Titulli i origjinalit në arabisht:

الاستشراق

 أهدافه ووسائله

الدكتور محمد فتح الله الزّيادي

Përktheu nga gjuha arabe: Roland VISHKURTI

Redaktor gjuhësor: Ermal BEGA
Korrektore letrare: Klodiana SMAJLAJ
Kopertina: ACFOS - Besnik HAMITI
ISBN 978-9928-4028-5-1

Boton: Qendra Shqiptare për Studime Orientale (ACFOS-Albania)

P.O.Box 8203

E-mail: acfos_albania@yahoo.com

Viti i botimit: 2012

Faqe: 168

Formati: A5

Të gjitha të drejtat janë të rezervuara. Asnjë pjesë e këtij libri nuk mund të kopjohet, të incizohet ose të transmetohet në asnjë mjet tjetër, qoftë të shkruar apo elektronike pa lejen e autorizuar me shkrim nga botuesi në shqip.

Çmimi i shitjes në librari: 600 lekë/5 Euro

© Copyright i këtij botimi ACFOS-Albania, Tiranë 2012

Për porosi dhe shitje me shumicë & pakicë ju lutem na kontaktoni me e-mail.

PARATHËNIE

Orienti! Vendi ku lindi jeta... Aty ku dielli merr dritë, ku Zoti iu shpall njeriut me frymëzim, ku shpirtërorja u ndërthur me materialen; aty ku librat e shenjtë pastruan shpirtin, krijuan dhe ngritën lart vlerat njerëzore për të formuar një njeri dhe një shoqëri të përsosur, që synon harmoninë e kësaj bote dhe lumturinë në amshim.

Orienti! Djepi i qytetërimeve... Vendi ku qielli takoi tokën, ku njerëzit formuan popuj e kombe. Vend që shijoi kohë paqeje dhe mban mbi shpinën e tij kohë lufte. Aty ku lindi historia, fletët e së cilës u shkruan gjatë shekujve për të treguar të vërtetën mbi ekzistencën e gjithçkaje, për atë që është e bukur dhe e mrekullueshme, por edhe atë që është e hidhur dhe e padëshirueshme, për të treguar atë që njeriu krijoi me shpirtin, mendjen dhe duart e tij.

Për të gjitha këto dhe të tjera që nuk janë përmendur, Orienti tërhoqi vëmendjen jo vetëm të aventurierëve që e adhuronin atë për bukuritë e tij, por edhe të studiuesve, hulumtuesve, shkencëtarëve të fushave të ndryshme, arkeologëve, specialistëve, misionarëve dhe kolonialistëve.

Ai u studiua dhe u analizua për shekuj me radhë dhe vazhdon të studiohet edhe në ditët e sotme. Atyre studiuesve që u morën me studimin e tij, jo pa qëllim iu dha edhe një emër që tregon lidhjen e fortë ndërmjet tyre dhe Orientit. Këta studiues janë “orientalistët” dhe fusha e studimit të tyre me të gjitha degët e saj quhet “studime orientale”, pra të gjithë kanë lidhje dhe marrin jetë nga fjala “Orient”.

Me gjithë qëndrimet e ndryshme ndaj orientalistëve dhe studimeve të tyre, qofshin ato pozitive apo negative, orientalizmin mund ta konsiderojmë si një urë lidhëse ndërmjet Lindjes dhe Perëndimit. Lëvizja e orientalistëve, qoftë vetjake apo e qëllimshme, i nxiti edhe kolegët e tyre në Lindje, që të aktivizohen më shumë në paraqitjen dhe studimin e kulturës së tyre, duke bërë hulumtime të ndryshme rreth trashëgimisë kulturore, duke iu përgjigjur shkrimeve orientale, duke analizuar, kritikuar, por edhe duke i mbështetur, kur ata u janë përmbajtur metodologjive të sakta shkencore.

Fusha e studimeve orientale është aq e gjerë, si për nga pjesëmarrësit që u aktivizuan në të, ashtu edhe për nga krijimtaria e tyre. Prandaj autori i këtij libri, të cilin kemi nderin ta sjellim në gjuhën shqipe, me një përvojë jo të vogël në këtë fushë studimesh, është munduar që në këtë studim të shkurtër shkencor, të paraqesë jo vetëm historinë e kësaj lëvizjeje, por edhe metodologjinë që orientalistët kanë përdorur në studimet e tyre për Orientin në përgjithësi, dhe për trashëgiminë kulturore të qytetërimit islam në veçanti. Autori thellohet shumë në analizën e kësaj lëvizjeje, për të nxjerrë në pah motivet që i nxitën orientalistët të hedhin vështrimin e tyre drejt Orientit, për t’u njohur me mekanizmat që përdorën dhe për t’i klasifikuar ata në grupe, që u dha emrin “Shkollat e orientalizmit”.

Megjithëse shkrimet dhe studimet në këtë drejtim në gjuhën arabe janë të shumta, në gjuhën shqipe, botime të tilla janë të pakta, ose më saktë mungojnë plotësisht, pa përfshirë këtu përkthimet e disa librave të orientalistëve si Bernard Lewis e të tjerë si ai, sepse libra të tillë janë krijime të orientalistëve dhe jo studime që trajtojnë orientalizmin. Kështu që lexuesi shqiptar do të ketë rastin të njihet më nga afër me orientalizmin, pse jo dhe me personalitetet më të njohura të kësaj fushe, të cilët i gjen të përmendur thuajse në çdo faqe të këtij libri. Kjo e bën këtë libër edhe më të veçantë, sepse ai nuk është vetëm një studim i mirëfilltë, por edhe një biografi e orientalistëve më të njohur të historisë së orientalizmit.

Gjatë përkthimit, duke pasur parasysh formimin e ndryshëm kulturor që ka lexuesi shqiptar, dhe për t’i ardhur atij në ndihmë, jam përpjekur që disa personalitete dhe terma, t’i shpjegoj me shënime plotësuese, që nuk janë në tekstin origjinal. Për t’i dalluar ato, në fund të çdo shënimi do të gjeni (sh.p.), që tregon se shënimi është i përkthyesit.

Në fund, mund të themi se Shqipëria, për fatin e saj të mirë apo të keq, nuk ka përjetuar ndonjë lëvizje të mirëfilltë orientaliste, sikurse ndodhi në vendet e tjera perëndimore apo si në disa vende të rajonit (p.sh. në ish-Jugosllavi). Kjo mund të ketë ardhur si rezultat i shumë faktorëve, si trashëgimia kulturore e popullit shqiptar, historia e tij shoqërore, politike, ekonomike, por edhe vendndodhja e tij gjeografike.

Ata studiues të paktë që janë marrë me disa studime të kësaj fushe, në përgjithësi kanë kryer studime gjuhësore, që përqendrohen rreth disa dukurive dhe ndikimeve orientale në kulturën dhe trashëgiminë e popullit shqiptar*, por ka dhe nga ata studiues shqiptarë, sidomos të kohëve të fundit që, duke mos i përmendur burimet e ideve të tyre, më shumë reklamojnë idetë e vjetra të orientalizmit perëndimor sesa sjellin diçka të re në këtë fushë studimesh. Do të ishte më e ndershme dhe më modeste që ata të sillnin thjesht mendimet e tyre, qofshin edhe mendime të dobëta apo ide të gabuara, sesa të flisnin me gojën e tyre e të mendonin me mendjen e të tjerëve.

Sido që të jetë e vërteta rreth atyre studimeve që mund t’i quajmë “orientalizëm shqiptar”, shpresojmë që vetë lexuesi, duke u njohur më mirë me kuptimin, historinë, metodikën, motivet, synimet dhe objektivat e kësaj lëvizjeje, do të jetë në gjendje të krijojë një mendim më të qartë dhe më të saktë rreth saj.

Roland VISHKURTI

Qershor 2012

---

* Këtu vlen të përmendim Fjalorin e Orientalizmave në Gjuhën Shqipe, të autorit Tahir Dizdari (1900-1972), vepër e cila pasqyron ndikimin e Islamit, të gjuhës arabe në veçanti, dhe të gjuhëve orientale në përgjithësi, në kulturën e popullit shqiptar. Kjo vepër është botuar e plotë në vitin 2005 nën përkujdesjen e Institutit Shqiptar të Mendimit dhe Qytetërimit Islam (AIITC), në Tiranë dhe me bashkëpunimin e familjes Dizdari.

Kur'ani - Dr. Murad Hofmann

Dr. Murad HOFMANN

KUR'ANI

Kur'ani

PËRMBAJTJA

Falënderim

Hyrje

Shënime

Kur’ani si shkrim i shenjtë

Kur’ani si shpallje

Formimi i Kur’anit

Si nisi shpallja?

Kush ishte Muhamedi?

Muhamedi në Kur’an

Përmbledhja e Kur’anit

Kur’ani gjatë jetës së Profetit

Versioni standard i Kur’anit

Ajetet e munguara/Pikëpamja shi’ite

Vargjet satanike?

Ajeti i gurëzimit?

Ajetet e tepërta?

Botimet e hershme

Struktura e Kur’anit

Organizimet formale

Kapitujt, suret, ajetet

Emrat

Besmele

Rendi kronologjik

Periudhat

Renditja sipas gjatësisë

Organizim alternativ?

Organizimi sipas përmbajtjes

Temat kryesore

“10 Urdhëresat”

Analizat strukturore

Gjuha e Kur’anit

Bukuria poetike

Betimet dhe mallkimet

Alegoritë dhe metaforat

E hapura dhe e fshehta

Të veçantat e gramatikës

Të veçantat e gjuhësisë

Enigmat

Paimitueshmëria

I krijuar/i pakrijuar

Interpretimi i Kur’anit

Metodologjia

Kur’ani dhe Sunneti

Përkthimet e Kur’anit

Komentimet arabisht të Kur’anit

Komentimet jo-arabisht të Kur’anit

Kur’ani si një tekst ligjor

Sheriati

Parimet

Ixhtihadi

Bibla dhe Kur’ani

Lidhjet dogmatike

Lidhjet gjuhësore

Lidhjet e rëndësishme

Kundërshtimet

Kur’ani dhe shkenca

Kompetencë shkencore?

Parashikimet?

Shkenca dhe Kur’ani

Kur’ani dhe artet

Kaligrafia

Arkitektura

Recitimi

Marrëdhëniet me Kur’anin

Jeta e përditshme

Shkollat e Kur’anit

Literatura

Renditja kronologjike

Të dhëna mbi librin:

Titulli: Kur'ani

Përktheu nga gjuha angleze: Ermal BEGA & Evis ÇITOZI

Kopertina: ACFOS - Besnik HAMITI

Radhitja kompjuterike: Arta TAHIRI

ISBN 978-9928-4028-2-0

Boton: Qendra Shqiptare për Studime Orientale (ACFOS-Albania)

P.O.Box 8203

E-mail: acfos_albania@yahoo.com

Viti i botimit: 2011

Faqe: 122

Formati: A5

Çmimi i shitjes në librari: 400 lekë/3 Euro

© Copyright i këtij botimi ACFOS-Albania, Tiranë 2011

Për porosi dhe shitje me shumicë & pakicë ju lutem na kontaktoni me e-mail.

HYRJE

Kur’ani është një univers që flet.

Universi është një Kur’an i heshtur.

(Urtësi arabe)

Të pranosh që të shkruash rreth Kur’anit duket mendjelehtësisht e bukur për mua tani.

Dikush i cili paraqet një subjekt, a nuk duhet të pretendojë që e zotëron atë? Por kjo në rastin e Kur’anit është jashtë arritjeve të kujtdo.

Thuaj: “Nëse detet do të ishin bojë për fjalët e Zotit tim, në të vërtetë boja do të mbarohej përpara se të mbaronin fjalët e Zotit tim, edhe nëse Ne do të shtonim të njëjtën sasi (të bojës) përsëri”.

(18:109; si edhe 31:27)

Në fakt, dituria dhe hapësira jetësore e askujt mund t’i bëjë gjysmë rruge drejtësi këtij shkrimi të shenjtë. Edhe bashkëpunimi i zgjatur mes një ekipi të kualifikuar në gjuhën arabe, teologji, filozofi, histori, antropologji, psikologji, sociologji, letërsi, fizikë, dhe biologji nuk do të arrijë kurrë në përfundime finale, sepse Kur’ani mban oferta mprehtësisht të reja për çdo individ, çdo shoqëri, në çdo periudhë të re. Me fjalë të tjera: Asnjëherë Kur’ani nuk është pa lidhje.

Kështu mendohet se Paul Schwarzenau, një teolog protestant, e përjetoi Kur’anin si “një gur të çmuar, me faqe pambarimisht të mëdha, të ndriçuar nga brenda dhe të rrezatuar nga të gjithë drejtimet”. Ai pa se çdo segment i tij reflekton imazhe arketipike.

Sidoqoftë, jo çdokush gjen mundësi të lehta hyrjeje në këtë libër. Disa janë të pakënaqur nga ajo që ata i shikojnë si ndryshime tematike çrregulluese dhe të papritura - imazhet poetike, thirrjet morale, dhe udhëzimet praktike që shfaqen krahpërkrah. Si mund të përballesh me një tekst i cili është plot përsëritje dhe vazhdimisht i ndryshueshëm jo vetëm nga një çështje tek tjetra por gjithashtu edhe nga një person gramatikor (Unë, Ne, Ai) dhe një kohë gramatikore tek tjetra (e shkuar, e tashme, e ardhme)?

Nuk është çudi që Kur’ani nganjëherë provokon refuzime emocionale. Për shembull, poeti dhe mendimtari i madh gjerman Johann Wolfgang von Goethe (Gëte) e gjeti veten të tërhequr dhe të refuzuar nga ky libër. Në librin e tij West-Eastern Divan (Divani perëndimor-lindor) ai shkroi se ky (Kur’ani) është një libër të cilit “sa herë që i afrohemi, ai përsëri na neveritet neve por pastaj na magjeps, na mahnit, dhe në fund na imponon adhurimin tonë”.

Nuk mund të diskutojë dikush rreth Kur’anit pa ditur diçka rreth Muhamedit. Dhe askush nuk mund të diskutojë rreth Kur’anit e as rreth Muhamedit pa e prekur Islamin. Sidoqoftë, me aq sa është e mundur unë u përpoqa që ta kufizoj këtë hyrje ndaj vetë Kur’anit.

Sigurisht, unë nuk përpiqem që ta bëj të tepërt leximin e vetë Kur’anit. Në të kundërt, përmes këtij libri, Kur’ani duhet mbajtur vazhdimisht pranë.

Bonn, Verë 2005

Islami - Dr. Murad Hofmann

Dr. Murad HOFMANN

ISLAMI

Islami

 PËRMBAJTJA

Falënderim

Hyrje

Shënime

Formimi i Islamit

Islami si fe botërore

Islami si fe monoteiste

Islami si fe e Ibrahimit

Islami si fe e shpallur

Një profet musliman

Arabia para Muhamedit

Misioni i Muhamedit

Muhamedi si qenie e përkryer

Origjina e Kur’anit

Autoriteti i Kur’anit

Përkthimet e Kur’anit

Teologjia islame

Besimi në Zot/Emrat më të Bukur të Zotit

Joshjet gnostike

Evolucion apo krijim

Besimi në engjëjt e Tij

Besimi në profetët e Tij/Profetët e vërtetë dhe të rremë

Vula e Profetësisë

I pamëkatë?

Besimi në shpalljet e Tij

Besimi në jetën pas vdekjes/Fillimi dhe mbarimi

Gabim i trashëguar?

Gabimi dhe falja

Parajsa dhe Ferri

Paracaktim apo vullnet i lirë

Adhurimi në Islam

Dëshmia e besimit

Rituali i faljes

Falja e xhumasë

Të falurit në arabisht

Agjërimi

Pelegrinazhi (haxhillëku) në Mekë

Taksa (Zekati)

Festat

Varrimi

Ligji dhe etika

Burimet ligjore

Normat kur’anore

Parimet e Kur’anit

Sunneti i Profetit

Jurisprudenca islame

Kategoritë morale

Të lejuarat/të ndaluarat

Të drejtat e njeriut

Ligji kundër misticizmit

Islami popullor

Misticizmi

Familja islame

Shteti islam

Ngritja e pengesave

Sistemi kushtetues

Sistemi ekonomik

Ekologjia

Mbrojtja

Minoritetet fetare

Minoritetet racore

Mbrojtja e kafshëve

Teokraci apo shekullarizëm?

Emërtimet islame

Përcaktimi i muslimanit

Islami shi’it

Historia islame

Zgjerimi i hershëm

Halifati i Damaskut dhe i Bagdadit

Debatet filozofike

Andaluzia

Kryqëzatat dhe pushtimi mongol

Perandoria Osmane

Rënia dhe kolonizimi

Islami sot

Pavarësia

Orientalizmi

Lëvizja islame/Fenomeni i modernitetit

Kushtet e lindjes

Skena bashkëkohore

Prirje për dhunë?

Islamofobia

Dialogu islamo-kristian

Institucionet dhe simbolet islame

Halifati

Funksionarët

Një Vatikan islam?

Organizatat ndërkombëtare

Organizatat islame në Europë dhe në Amerikën Veriore

Simbolet islame

Perspektivat

Kronologji

Literatura

Adresa

Të dhëna mbi librin:

Titulli: Islami

Përktheu nga gjuha angleze: Ermal BEGA

Kopertina: ACFOS - Besnik HAMITI

ISBN 978-9928-4028-1-3

Boton: Qendra Shqiptare për Studime Orientale (ACFOS-Albania)

P.O.Box 8203

E-mail: acfos_albania@yahoo.com

Viti i botimit: 2011

Faqe: 138

Formati: A5

Çmimi i shitjes në librari: 400 lekë/3 Euro

© Copyright i këtij botimi ACFOS-Albania, Tiranë 2011

Për porosi dhe shitje me shumicë & pakicë ju lutem na kontaktoni me e-mail.

HYRJE

Për të kërkuar njohuri të besueshme rreth Islamit në këto kohë të bën një përshtypje veçanërisht të madhe sepse ai është i vetmi religjion që po shtohet më shumë. Tashmë rreth 1.3 miliardë njerëz konsiderohen muslimanë, dhe ky numër po rritet në çdo minutë. Muslimanët padyshim që nuk gjenden më vetëm në 57 shtetet anëtare të Organizatës së Konferencës Islamike (O.K.I). Sot nuk ka asnjë vend në botë pa praninë e disa muslimanëve.

Europa perëndimore, jugore dhe veriore përveç muslimanëve vendas tani është bërë shtëpia e rreth 15 milionë muslimanëve, kryesisht nga India, Pakistani, Bangladeshi, Somalia, Turqia, Afrika Veriore, Afrika e Zezë, Shqipëria, dhe Bosnja. Në Britaninë e Madhe, Francë, Gjermani, Itali, Spanjë, Suedi dhe Danimarkë, Islami është bërë religjioni i dytë, pas katolicizmit ose protestanizmit. Tashmë, ne mund të gjejmë 4 muslimanë në British House of Lords (Shtëpia Britanike e Lordëve)...

Në të njëjtën kohë, popullsia tradicionale islame në Europën Lindore - shqiptarët, boshnjakët, çeçenët dhe tatarët - po shkojnë nga një proces gjallërues i ri-islamizimit.

Po ashtu, edhe në Amerikë, pavarësisht nga ngjarjet tragjike të 11 shtatorit, Islami vazhdon të rritet në mënyrë dramatike. Dinamika e tij e jashtëzakonshme ndodh në sajë të ngrohtësisë fetare të muslimanëve afrikano-amerikanë (37.5%) dhe të përqindjes tepër të lartë të akademikëve muslimanë, kryesisht emigrantë indo-pakistanezë dhe popullatës arabe. Në qendrat rajonale të Islamit, si Los Anxheles, Detroit, Çikago, Nju Jork, dhe Uashington D.C., një në pesë mjekë tashmë është musliman. Në Amerikë, numri i xhamive është dyfishuar me më shumë se 1250 të tilla që nga viti 1990. Në vitin 2010 komuniteti musliman në SH.B.A. mund të arrijë në 10 milionë, që do të thotë 3% të popullatës së përgjithshme.

Muslimanët amerikanë krenohen me fituesin e parë të çmimit Nobel në shkencat natyrore, Dr. Ferid Murad (1998). Ata janë krenarë po ashtu edhe për faktin se specialistët muslimanë të kompjuterave kanë dhënë kontribute themelore për procesorin e INTEL Pentium III. Ata e konsiderojnë veten si mbrojtësit e fundit të vlerave morale të mbajtura fillimisht nga Baballarët Themelues të Federatës Amerikane. Dhe, siç është propozuar edhe nga libri “Dielli lind në Perëndim”, ata shpresojnë që përtëritja e nevojshme e Orientit musliman të frymëzohet me Oksidentin musliman.

Ka mjaft arsye për këdo për t’u përpjekur që të mësojë thelbësisht më shumë rreth Islamit si religjion dhe si qytetërim. Për të kuptuar muslimanët - besimin dhe shpresat e tyre - nuk ka qenë asnjëherë më e rëndësishme sesa sot, në interes të paqes në vend dhe në arenën ndërkombëtare. Në fund të fundit, siç e ka vlerësuar edhe Johannes Rau, ish-presidenti i Gjermanisë Federale, “ne duhet të jetojmë me njëri-tjetrin, dhe jo kundër njëri-tjetrit.”

Çdo religjion i vërtetë është i karakterizuar nga: (i) një pikëpamje universale, (ii) format rituale të komunikimit me Zotin, (iii) rregullat etike dhe, (iv) institucionet dhe simbolet fetare. E njëjta gjë ndodh edhe me Islamin, një religjion i cili për 1400 vjet ka shërbyer si një çelës për të kuptuar realitetin dhe për të jetuar në harmoni me të.

Dhe tani, në këndvështrimin e diversitetit dhe pluralizmit të kësaj feje, dikush mund të dyshojë nëse është e mundur që të shkruhet në të vërtetë rreth Islamit dhe muslimanëve, një komunitet i largët nga të qenit i pandashëm. A nuk do të thotë Islam gjëra të ndryshme për njerëz të ndryshëm në kohë të ndryshme? Mos ndoshta gjenden aq besime islame sa janë edhe besimtarë? Dhe cilin Islam po përshkruaj unë: Islamin Sunni apo dogmatizmin Shi’it? Misticizmin Sufist apo rreptësinë Vehabite?

Është e vërtetë se bota islame në të gjitha kohët e ka treguar dhe e ka vlerësuar diversitetin.

Muslimanët, gjithashtu, e kanë luftuar njëri-tjetrin në fushat doktrinore, ndonëse luftëra fetare të stilit europian (dhe të madhësisë së një lufte 30 vjeçare, (1618-1648) nuk kanë ndodhur kurrë ndërmjet tyre.

Megjithatë, pavarësisht nga mungesa e një Vatikani Islam, muslimanët e të gjitha moshave arritën që të ngjiten në bazat e tyre më të larta: Besimi i tyre në Njëshmërinë e Zotit, Librin e Tij, dhe Profetin e Tij nuk është kundërshtuar kurrë nga brenda dhe ka vepruar si një ngjitës kohor i plotë që e lidh Ummetin musliman së bashku.

Islami në këtë mënyrë nuk ka kaluar kurrë ndonjë krizë identiteti dhe, pas periudhës së rënies, gjithmonë ka gjetur burime të mjaftueshme të brendshme për ringjallje dhe rivendosje periodike. Edhe sot, kjo fe po tregon qartë konturet e saj klasike.

Kjo hyrje megjithëse është e pasur me të dhëna, është e ngjeshur në përmasa. Ajo mund të ndihmojë vetëm për të hapur derën për më shumë ëndje të rëndësishme, për të cilën mund të gjenden sugjerime në literaturë.

Një hyrje kaq e shkurtër nuk mund të pritet që të jetë shteruese. Por mund të pritet që të jetë e pavarur dhe e besueshme. Unë ju siguroj vërtet për një përshkrim të Islamit të shoqëruar me atë se me çfarë identifikohet shumica më e madhe e të gjithë muslimanëve.